0
0
21 mars, 2022 – Kanë përfunduar të gjitha ndeshjet e xhiros së shtatë në Superligën A, meshkuj dhe femra, të Kosovës, në volejboll, përveç një ndeshjeje që është në program për të enjten. Në konkurrencën e femrave, liderja, Drita e ka pësuar nga Fer Volley në Ferizaj, me rezultat 3-1. Gara bëhet shumë e fortë tash, me Fer Volleyn që mbetet vetëm katër pikë prapa ‘Intelektualeve’ në vendin e dytë. Sa i përket meshkujve, derbi i xhiros luhet të enjten, mes Pejës dhe Ferizajt, të cilat zënë vendin e parë, respektivisht të dytë, me nga 40 dhe 34 pikë, aq sa ka edhe Luboteni në pozitën e tretë, por kjo e fundit ka një ndeshje më shumë të luajtur. Shikoni më poshtë rezultatet nga xhiroja e shtatë, minus ndeshjen që nuk është luajtur ende te meshkujt.
