0
0
Erzeni ka triumfuar në finalen e madhe të Ligës “Gjergj Kastrioti”, meshkujt, të mërkurën mbrëma, pasi mposhti Partizanin në Pallatin e Rinisë dhe Sporteve në Prishtinë.
Erzeni fitoi me rezultat të pastër 3-0 (25-18, 25-23, 25-21), për t’u shpallur kampion i edicionit të dytë të ligës së përbashkët të organizuar nga Federata e Volejbollit të Kosovës (FVK) dhe Federata Shqiptare e Volejbollit (FSHV).
Erzeni dominoi ndeshjen qysh nga fillimi, me setin e dytë që ishte diferenca më e ngushtë (dypikëshe), ndërsa me plot meritë në fund arriti të triumfonte.
Për kampionët kupën e ndanë presidenti i Federatës së Volejbollit të Kosovës, Bahri Gjinovci dhe presidenti i Komitetit Olimpik Shqiptar, Fidel Ylli.
Medaljet e arta për vashat kampione u ndanë nga anëtarët e bordit nga të dy federatat, Abedin Mehani, Sokol Halili dhe Artur Dhimo.
Çmimin për MVP-në e ndeshjes të cilin e fitoi Armend Kula, e ndau presidenti i FSHV-së, Erlind Pëllumbi.
FVK uron Erzenin për triumfin e merituar dhe përgëzon Partizanin për shpirtin kompetitiv të treguar përgjatë tërë edicionit të Ligës “Gjergj Kastrioti”.
